Ang mga parangal na ito ay kumilala sa nasabing lunsod bilang modelong local government unit.

Kinilala ang Marikina dahil sa mga programang pangkalusugan at pagpapakita ng pagmamahal sa kalikasan hindi lang sa kanilang lunsod kundi maging sa buong bansa.

Ayon kay Mayor Fernando, ang parangal na natanggap ng lunsod ay lalong nagpatibay sa kanyang layunin na maiangat ang buhay ng mga Marikeño at mapangalagaan ang hakbanging pagpapanatili sa isang malinis at malusog na kapaligiran.

Layunin din umano niyang patuloy na makatulong sa adbokasiya ng AFHC sa pagpoprotekta sa ating kapaligiran upang mapangalagaan ang mga pinagkukunang-yaman at himukin ang mga tao na patuloy na magtulungan at maging aktibo sa mga gawaing tulad nito.